खरी खरी- 639 : गंगा पुछैं रै सवाल ?
(कोरोना संक्रमणक ध्यान धारिया । आज 68 दिन के लौकडाउनक बाद अनलॉक के तिसर दिन छ । विश्व में संक्रमित/मृतक संख्या 64.84+ लाख/ 3.82+लाख और देश में 2.07+लाख/5.8+ हजार हैगे जो भौत दुखद छ । करीब 95 हजार बीमार ठीक लै हैगीं । य बिमारीक के इलाज लै न्हैति, सिर्फ आपण बचाव येक इलाज छ । कोरोना कर्मवीरोंक सम्मान जरूर करिया और बेवजह घर बै भ्यार झन अया और मास्क ठीक ढंगल पैरिया। )
मिहुणि गंगा मैया
लै कूं रौछा,
सबूं हैं गंगा गंदी
हैगे लै कूं रौछा,
गंद नालों कैं
म्ये में बगों रौछा,
मुर्द म्यार किनार
पर भडूँ रौछा,
मरी जानवर म्ये
में लफाऊँ रौछा,
धोबीघाट म्यार
किनार खोलें रौछा,
विसर्जन क नाम पर
म्ये में कुड़-कभाड़
लफाउं रौछा,
गंगा दश्यारक दिन
बधै लै दीं रौछा,
पै दिखाव कि बात केक
लिजी करैं रौछा ?
पूरन चन्द्र काण्डपाल
03.06.2020
No comments:
Post a Comment