मीठी मीठी - 55 : हार्दिक धन्यवाद मितुरो
24 दिसम्बर 2017 हैं गढ़वाल भवन नई दिल्ली में आयोजत "छिलुक" कुमाउनी उपन्यास कि वार्ता और कुमाउनी- गढ़वाली कवि सम्मेलन में पुजणी सबै वरिष्ठ- कनिष्ठ कवियों, वार्ताकारों और भाषा प्रेमियों क हार्दिक धन्यवाद क दगाड़ आभार प्रकट करनूं ।
यौ मौक पर सुप्रसिद्ध नाटक निदेशक और रंगमंच कलाकार हेम पंत ज्यू समेत पांच वक्ताओं ल उपन्यास पर वार्ता करी । द्वि दर्जन है ज्यादै वरिष्ठ और कनिष्ठ कवियों ल कुमाउनी- गढ़वाली में काव्य पाठ करौ । वरिष्ठ कवि ललित केशवान ज्यू कि अध्यक्षता एवं दिनेश ध्यानी ज्यू और रमेश हितैषी ज्यू क संचालन में कार्यक्रम क सबै भाषा- प्रेयमियों आनंद उठा ।
सम्मेलन में डी पी एम आई क प्रबंध -निदेशक डॉ विनोद बछेती, समाज सेवी नंदन सिंह रावत, सुरेंद्र सिंह हालसी, उप-कमिश्नर सतीश नौडियाल, 'प्यारा उत्तराखंड' क संपादक देवदा, 'उत्तराखंड जागरण' क संपादक सत्येंद्र सिंह रावत, डॉ सतीश कालेश्वरी, 'देवभूमि की पुकार' क संपादक डॉ जलंधरी सहित भौत गणमान्य मनीषी मौजूद छी ।
सम्मेलन में कुमाउनी - गढ़वाली लेखकों क कएक किताब लै मौजूद छी जनूं पर पाठकों कि भलि नजर पड़ी और किताबों कि बिक्री लै हैछ । हमौर साहित्य, संस्कृति और भाषा कैं समर्पित, 'हमरि भाषा- हमरि पछ्याण' क समर्थक यूं सबै मनीषियों कैं भौत- भौत साधुवाद ।
पूरन चन्द्र काण्डपाल
25.12. 2017
No comments:
Post a Comment