खरी खरी - 222 : अलग थकुलि नि बजौ
देशा का मिलि गीत कौ
अलग थकुलि नि बजौ ।
शहीदों कैं याद करो
घूसखोरों देखि नि डरो
कामचोरों हैं काम करौ
हक आपण मांगि बे रौ
अंधविश्वास गव घोटो
अघिल औ पिछाड़ि नि रौ
देशा का...
हमूकैं लडूणियां
ताक लगै बेर चै रईं
जात-धरमा नाम पर
आग लगूं हैं भै रईं
इनूं कणी घुत देखौ
आपसी भैचार बड़ौ
देशा का...
समाओ य देशै कैं
हिमाल धात लगूंरौ
बचौ य बगीचै कैं
जहर यमें बगैंरौ
उंण नि द्यो य गाड़ कैं
बांध एक ठाड़ करो
देशा का...
पूरन चन्द्र काण्डपाल
22.04.2018
No comments:
Post a Comment