खरी खरी - 795 : ट्रंप और गांधीज्यू (पोरैबेरकि याद)
ट्रंपज्यू जब 24 फरवरी 2020 हुणि दिल्ली आईं तो बाद में ऊं अहमदाबाद में साबरमती आश्रम गईं । वांक बार में गांधी ज्यू के कूं रईं, उनरि बात मुणि छ -
साबरमतीक गांधीज्यू बतूरीं -
मि भौत ध्यानल देखि रौछी
उ दूर सात समुद्र पार बै ऐ रौछी
उ म्यार साबरमती आश्रम आ
पुर लाव लस्कर समेत आ
म्यर चित्र पर वील माव रोपी
उ म्यर चरखक नजीक भैटौ
वील कपास पकड़ सूत कातौ
म्यार बार में पूछताछ लै है हुनलि
म्यार तीन बानरों कै लै वील देखौ
यथां उथां नजर घुमै बेर लै देखौ
मेज पर धरी आगंतुक किताब देखी
पन्न खोलि बेर बदस्तूर कलम चलै
म्यार बार में त वील के नि लेख
शैद उ मिकैं बिलकुल भुलिगो हुनल
मिकैं लाग़ौ उ कुछ तनाव में छी
वीक दिल- दिमाग चुनाव में छी ।
- साबरमती क गांधी
( 2021 राष्ट्रपति चुनाव में ट्रंप नि जित )
पूरन चन्द्र कांडपाल
24.02.2021
No comments:
Post a Comment