Aigo basant : ऐगो बसंत

मीठी मीठी - 570 : ऐगो  बसंत - आज बसंत पंचिमी

बजूरै  पौन बसंती राग
चौतरफ़ा उडैरै बसंती फाग,
ब्योलि जसि छाजि रै बसोधरा
कैं रंगवाइ पिछौड़ कैं पिङ्गइ पाग।

फूलों में मौ कि है रै बहार
को छ य रंगरेज बन अप्छ्याण,
कैल फोक हुनल  य अबीर गुलाल
को बौरै  गो आमों कैं लगै  तराण।

'पूरन' पुछैं रौ  कस  य बसंत
लेखण   बतूंण  कठिन बसंत,
मांघ -फागुण  राग बसंत
रितू  चैत  बैसाग बसंत ।

( सबूं कैं बसंत पंचिमीकि शुभकामना )

पूरन चन्द्र काण्डपाल
16.02.2021