Bhasha sikhalaee : भाषा सिखलाई संत नगर

मीठी मीठी - 300 : भाषा सिखलाई

      बेई 30 जून 2019 हुणि संत नगर बुराड़ी दिल्ली में कुमाऊं सांस्कृतिक कला मंच (पं ) संत नगर बुराड़ी दिल्ली - 84 द्वारा डी के कांवेन्ट सेकेंडरी स्कूल, गली 110 बी ब्लाक में उत्तराखंडी भाषाओं कि कक्षा कि 7उं क्लास छी जमें  25 नना ल कुमाउनी और 15 नना ल गढ़वाली भाषा सिखी । यूं कक्षाओंक  आयोजन करणी य उ ई संस्था छ जो विगत 22 वर्षों ( 1997 ) बै उरातार दिल्ली में उतरैणी त्यार मनूरै और हमरी भाषा एवम् संस्कृतिक भरपूर संरक्षण करैं रै ।

       कक्षाओं कि शुरुआत संस्थाक महिला कीर्तन मंडली द्वारा ननाक दगाड़ मिलि बेर कुमाउनी में सरस्वती वंदनाक साथ करिगे । अधिकांश नना कैं संस्था द्वारा "हमरि भाषा हमरि पछ्याण " किताब लै भैंट करिगे । कुछ नना कैं किताब कम हुणक वजैल नि मिल सक जो संस्था द्वारा बाद में जल्दी दिई जाल । संस्था कि पुरि टीम समेत प्रधान घुगत्याल ज्यू , संस्थापक एवं मुख्य सूत्रधार खीम सिंह रावत ज्यू, गिरीश चन्द्र जोशी ज्यू , नवीन जोशी ज्यू एवम्  युवा और महिला शक्तिक पुर सहयोगल य आयोजन भौत सफल रौछ । संस्था में आपसी तालमेल और सहयोगक एक भौत भल अनुसरणीय उदाहरण देखण में आछ । शुभकामना ।

पूरन चन्द्र कांडपाल
01.07.2019