खरी खरी - 445 : जिंदगी क हाल (1)
जिन्दगी उकाव
जिन्दगी होराव,
कभैं अन्यार औंछ यैमें
कभैं छ उज्याव ।
सुख दुखा बादल यैमें
आते जाते रौनी,
सिद बाट कम यैमें
टयाण ज्यादै औंनी ।
कभैं यां तुस्यार जौ लागूं
कभैं तात मुछ्याव ।
जिन्दगी...
कैं खुशी का नौव यैमें
कैं दुख कि गाड़,
कैं छ गुलाब- हांजरी
कैं कना कि बाड़ ।
कैं सुखी गध्यार यैमें
कैं पाणी का पन्याव ।
जिन्दगी...
क्रमशः...
पूरन चन्द्र काण्डपाल
22.06.2019
No comments:
Post a Comment