Aapani bhasha : आपणि भाषा

मीठी मीठी - 116 :आपणि भाषा सिखलाई कक्षा 

     27 मई 2018 हैं आपणि भाषा सिखलाई कि कक्षा रत्तै 10 बजी बटि 12 तक DPMI न्यू अशोक नगर नई दिल्ली में लागी और ब्याव 5 बजी बटि 7 बजी तक उत्तराखंड भ्रातृमण्डल (पं) अवंतिका सेक्टर - 1 रोहिणी दिल्ली क अध्यक्ष श्री एन डी लखेड़ा और उनरि टीम क आयोजन में अवंतिका में लागी ।

     DPMI में शिक्षक छी पूरन चन्द्र काण्डपाल (कुमाउनी) और दर्शन सिंह रावत (गढ़वाली) । अवंतिका में उद्घाटन कक्षा छी जमें नना क अभिभावक ज्यादै छी जनूल भाषा सिखलाई मुद्द पर भौत रुचि देखै । अवंतिका में शिक्षक मंडल में शामिल छी सर्वश्री पूरन चन्द्र काण्डपाल, रमेश चंद्र घिल्डियाल, गिरीश चन्द्र बिष्ट हँसमुख, श्रीमती बिमला लखेड़ा और श्रीमती कला पांडे ।

     कुल 12 कक्षाओं कि श्रंखला में अघिल कक्षा 03 जून 2018 हुणि रत्तै 10 बजी बटि 12 बजी तक आयोजित होलि । उम्मीद छ सबै अभिभावक आपण नना कैं टैम पर भेजाल । यूं 12 कक्षा 20 मई बटि 5 अगस्त 2018 तक हर ऐतवार रत्तै 10 बजी बटि 12 बजी तक पुर NCR में कएक जाग उत्तराखंड लोकभाषा साहित्य मंच दिल्ली द्वारा DPMI और उत्तराखंड एकता मंच दिल्ली एवं सम्बद्ध संस्थाओं क सहयोगल आयोजित करी जां रईं ।

पूरन चन्द्र काण्डपाल
28.05.2018