Doha saptak : दोहा सप्तक

मीठी मीठी - 656 : दोहा सप्तक (कुमाउनी)

(‘मुकस्यार’ किताब बटि )

कविता मनकि बात बतै दीं,

कसै उठी हो उमाव |

बाट भुलियाँ कैं बाट बतै दीं,

ढिकाव जाई कैं निसाव||

 

द्वि आखंर हंसि बेर बलौ, 

बरसौ अमृत धार |

गुस्स्म निकई कडू आंखर,

मन में लगूनी खार ||

 

लालच जलंग पाखण्ड झुटि,

रागद्वेष अंहकार |

अंधविश्वास अज्ञान भैम,

डुबै दिनी मजधार ||

 

तमाकु सुड़ति शराब नश,

गुट्क खनि धूम्रपान |

चुसनी माठु-माठ ल्वे हमर, 

बेमौत ल्ही लिनी ज्यान ||

 

धरो याद इज बौज्यू कैं,

शिक्षक सिपाइ शहीद |

दुखै घड़िम ल्हे भुलिया झन, 

धरम करम उम्मीद ||

याद धरण उ मनखी चैंछ,

मदद हमरि करी जैल |

हमुल मदद जो कैकि करि,

उकैं भुलण चैं पैल ||

देशप्रेम जति घटते जां, 

कर्म संस्कृति क नाश |

निहुन कभैं भल्याम वां,

सुख शांति हइ टटास ||

पूरन चन्द्र काण्डपाल

17.10.2021