खरी खरी - 170 : राजधानी गैरसैण क लिजी कूच
( राज्य निर्माण और राजधानी गैरसैण क लिजी 42 उत्तराखंडी शहीद हईं । उनरि शहीदी बेकार नि जै सकनि । आज 09 फरवरी 2018 हुणि 12 बजी प्रेस क्लब आफ इंडिया नई दिल्ली बटि संसद हैं पीएम कैं ज्ञापन दीण क लिजी कूच । )
पहाड़ में एक्कै बात चलि रै
कुहूक्याव एक एक डान,
राजधानी गैरसैण बनौ
कूंरीं स्येणि मैंस नान,
कूंरीं स्येणि मैंस नान
नेताओ नि करो मनमानी,
देहरादून बै जल्दी हटौ
अस्थाई राजधानी,
कूंरौ 'पूरन' सुणो नेताओ
यौ उत्तराखंड कि दहाड़,
गैरसैण क नाम तय हैरौ
राजधानी बनौ पहाड़ ।
मिकैं क्ये खबर न्हैति (गैरसैण )
राजधानी गैरसैण
नि गेइ रैगे देहरादून,
नेताओं क कानों में
घुसिगीं पिरुवा बून,
मुजफ्फरनगर क पिशाचों
पर नि लाग कानून,
शहीद पुछैं रईं
क्यलै बहा हमूल खून,
को सुणु उनरि
जै पर बीती,
नेता पुछैं रईं
को हौ शहीद,
हमुकैं क्ये खबर न्हैति ।
पूरन चन्द्र काण्डपाल
09.02.2018
No comments:
Post a Comment