मीठी मीठी - 629 : 2024 में हिटो पेरिस फ्रांस
2020 टोक्यो ओलंपिक ख़तम हैगो। पदक जितणियांक नाम झन भुलिया।
नीरज चोपड़ा जैवलिन स्वर्ण,
मीराबाई चानू भारोत्तोलन रजत,
रवि दहिया कुश्ती रजत,
पी वी सिंधु बैडमिंटन कास्य,
लवलीना बॉक्सिंग कास्य,
बजरंग पूनिया कुश्ती कास्य,
पुरुष हाकी कास्य ।
महिला हाकी में चौथूं क्रम में
आईं च्येलियां कैं लै याद धरिया।
टोक्यो ओलंपिक 2020 बै 1 सुन, 2 चांदि और 4 कसाक पदकोंक दगाड़ भारतकि झोइ में 7 पदक ऐ गईं। नीरज चोपड़ाल जैवलिन में बेई सुन लपका तो बजरंग पूनियाल कुश्ती में कस झ्टकौ । सबै पदक विजेताओं कैं देशक प्रचंड सलूट । जो लै ओलंपिक में गईं ऊं सब हीरो छीं। सबूं कैं शुभकामना। ओलंपिक में पुजण सुद्दै नि है रय। य भौत ठुलि बात छ। पदक सूची में हमर देश 47/206 नम्बर पर आछ । चीन पैल, अमरीका दुसर और जापान तिसर क्रम में ठाण छीं । उम्मीद छ 2024 पेरिस फ़्रांस ओलंपिका लिजी आजै बै सब जुटि जाल। बात कम काम ज्यादा और बजट ज्यादा दिया। य साल 53% बजट कम दे । खेलो इंडिया, केल खेलनी ? न किट, न ग्राउंड, न खुराक हैं डबल ? जब द्यला ध्यान तब देश आल अब्बल।
पूरन चन्द्र कांडपाल
08.08.2021
No comments:
Post a Comment