मीठी मीठी - 619 : हरयाव कि बधै
हरयावकि भेौत भौत बधै
हरयाव कि आशीष सुणो
सुणि बेर येकैं गुणो
जी रया जागिे रया
गणतु पुछयारि है बचि रया
बकर बलि है बचि रया
डंगरियों है बचि रया
जगरियों है बचि रया
गंड ताबिज है बचि रया
तंत्र झाड़ है बचि रया
ठगविद्या है बचि रया
शराब है बचि रया
बीड़ी सिगरट है बचि रया
गुटक तमाकु है बचि रया
अंधविश्वास है बचि रया
झुटि पाखंड है बचि रया
कर्म संस्कृति कैं अपनया
आपण काम में जुटि रया
एक डाव बोट जरूर लगाया
समाज में नाम कमाया
भल काम करनै रया
मास्क पैरि बेर भ्यार जया
वैक्सीन जरूर लगाया
भीड़ भड़ाका है बचिया
कोरोना रोग है बचिया
हरयाव कि शुभकामना
हारयावकि भौत भेौत बधै
जी रया जागि रया
य ऋतु य मास भेटनै रया।
पूरन चन्द्र कांडपाल
16.07.2021
No comments:
Post a Comment