Gairsain : गैरसैण

खरी खरी - 158 : राजधानी गैरसैण

पहाड़ में एक्कै बात चलि रै
कुहूक्याव एक एक डान,
राजधानी गैरसैण बनौ
कूंरीं स्येणि मैंस नान,
कूंरीं स्येणि मैंस नान
नेताओ नि करो मनमानी,
देहरादून बै जल्दी हटौ
अस्थाई राजधानी,
कूंरौ 'पूरन' सुणो नेताओ
यौ उत्तराखंड कि दहाड़,
गैरसैण क नाम तय हैरौ
राजधानी बनौ पहाड़ ।

(राज्य और राजधानी गैरसैण क लिजी 42 उत्तराखंडी शहीद हईं , उनरि शहीदी बेकार नि जै सकनि । )

पूरन चन्द्र काण्डपाल
16.01.2018