Kye khabar nhaiti : क्ये खबर न्हैति

खरी खरी -89 : क्ये खबर न्हैति

हाम ढुंगाक, लुवाक
पितवाक, सुन-चांदी क
द्याप्तां पर 
फूल बरसूं रयूं
उनुकैं दूद ल नउं रयूं,
घरा क ज्यौन द्याप्तां हूं
बलाण नि राय
उनुकैं तरसूं रयूं,
उनु उज्याँ चाण नि राय
पुठ फरकूं रयूं,
मंदिर में घंटी बजै बेर
फल-फूल-दूद चढूं रयूं ।
द्वि आंखर उनुहैँ लै
जरूर बलौ
उं लै जाल धिति,
हाम बुजरगों हैं
क्यलै नि बलां राय
मैं कैं क्ये खबर न्हैति ।

पूरन चन्द्र काण्डपाल
22.09.2017