मीठी मीठी - 284 : गढ़वालि कविता संग्रह 'ज्यू त ब्बनु च' लोकार्पण
बेई 26 मई 2019 हुणी डी पी एम आईं नई दिल्ली में अनूप सिंह रावत रचित गढ़वालि कविता संग्रह ' ज्यू त ब्बनु च' क लोकार्पण हौछ । य कविता संग्रह में 52 कविता छीं । सबै कविता उत्तराखंड धरातल दगै जुडी़ हुई छीं । कुछ कविता तो वास्तव में दिल तक पुजनी जस कि - मनख्यात, बेटी, मेरि मां जी, पहाड़ मा, उत्तराखंड, दहेज प्रथा, घस्यारी, पहाड़ा की नारी आदि ।
अनूप सिंह रावत के कूं रईं - "भौत बार लोग पुछदा छन कि आप कैं बिधा मा ल्यखदवा ? मी हमेशा यु ही बोलदू कि म्यारा मन मा जब बि क्वी विचार ऐ जांद त वै थैं ही लेखि देंदु । मी कैं बि खास बिधा मा नि लेखुदु, मी त सिर्फ मनो भाओं थैं शब्द दीणा की कोशिश करुदु अर वा ही कोशिश आज किताब का रूप मा आपका हाथ मा छ ।"
उम्मीद छ कविता संग्रह में छपी सबै कविता पाठकों कैं भाल लागाल । अनूप रावत एक होनहार और सृजनशील मनखी छीं । विगत कुछ वर्षों बटि उनार कविता लै हम सुणते ऊं रयूं । लोकार्पण कार्यक्रम में डा बछेती समेत करीब 12 वक्ताओंल विचार प्रकट करीं तीस कवियोंल कविता पाठ करौ । मंच संचालन दिनेश ध्यानी ज्यु और संदीप रावत ज्यूल क रौ ।
पूरन चन्द्र काण्डपाल
27.05.2019
No comments:
Post a Comment