मीठी मीठी - 267 : स्मृति सभा में कवि-सम्मेलन एवं विचारगोष्ठी
बेई 26 अप्रैल 2019 हुणि गढ़वाल भवन नई दिल्ली में महेश्वरी देवी कुलानंद बुडाकोटी स्मृति न्यास (पं) दिल्ली द्वारा दिवंगत कुलानंद बुड़ाकोटी ज्युकि 7उं पुण्यतिथि पर श्रद्वांजलि सभाक दौरान गैरसैंण एवं भाषा परिचर्चाक दगाड़ कुमाउनी- गढ़वाली कवि सम्मेलन आयोजित करिगो । परिचर्चा में मुख्य वक्ता छी सर्वश्री पत्रकार चारु तिवारी, देवसिंह रावत, ऐडवोकेट संजय शर्मा, पूरन चन्द्र काण्डपाल और नंदन सिंह रावत । काव्यपाठ में मुख्य कवि छी सर्वश्री ललित केशवान, पूरन चन्द्र काण्डपाल, दिनेश ध्यानी, रमेश हितैषी, ओपी आर्य, डा कालेश्वरी, चंदन प्रेमी, दर्शन सिंह रावत, डा केदारखंडी, नीरज बवाड़ी, संतोष जोशी, अनूप रावत, वीरेंद्र जुयाल, प्रदीप खुदेड सहित करीब द्वि दर्जन कवियोंल भाग ल्हे । सुश्री प्रेमा धोनी एवं करुणा भट्ट समेत कएक मातृशक्ति लै य मौक पर मौजूद छी ।
कार्यक्रमक शुरुआत में दिवंगत बुड़ाकोटी ज्यू कैं विनम्र श्रद्धांजलि अर्पित करिगे । सबै वक्ता एवं कवियोंल आपणि भाषा कैं मान्यता दीण और राजधानी गैरसैण पुजूण कि बात जोरशोरल करी । मंच संचालन वरिष्ठ साहित्यकार दिनेश ध्यानी ज्यूल करौ । आयोजन में आई सबै लोगोंक न्यासक अध्यक्ष मनमोहन बुड़ाकोटी ज्यूल धन्यवाद दगाड़ आभार व्यक्त करौ ।
पूरन चन्द्र काण्डपाल
27.04.2019
No comments:
Post a Comment