Bhasha sikhlaaee : भाषा सिखलाई

मीठी मीठी - 268 : हमरि भाषाकि सिखलाई 

     बेई 27 अप्रैल 2019 अपराह्न हुणि मैट्रिक्स अकादेमी शालीमार गार्डन-II, साहिबाबाद, गाजियाबाद उ प्र में कुमाउनी -गढ़वाली कक्षाओंक कएक संस्थाओंल मिलि बेर आयोजन करौ । इनुमें मुख्य संस्था छी उत्तरांचल भ्रातृ समिति, "सृजन से'' पत्रिका, उत्तराखंड यूथ एसोसिएसन, हिमालय रिसोल्यूशन एन्हांसमेंट सोसाइटी आदि । द्विये कक्षाओं में करीब  25- 25 विद्यार्थी ऐ रौछी जनूल हमरि भाषा सिखण भल मन लगा । यूं कक्षाओं में कुमाउनी भाषाक अध्यापक पूरन चन्द्र काण्डपाल और गढ़वाली भाषाक अध्यापक लोकभाषा साहित्य मंच दिल्लीक संयोजक दिनेश ध्यानी ज्यू छी । 

      आयोजनक टैम पर सामाजिक कार्यकर्ता एवं आयोजक दलबीर सिंह रावत ज्यू, कैलाश पांडे ज्यू समेत उनरि टीमक कएक लोग एवं मातृशक्ति मौजूद छी । स्थानीय निगम पार्षद लै य मौक पर आईं । दिल्ली बै सामाजिक कार्यकर्ता नंदन सिंह रावत ज्यू और सुरेन्द्र सिंह हालसी ज्यू लै वाँ पुजि रौछी । यूं कक्षाओंक सूत्रधार नीरज बवाड़ी ज्यूल बता कि यूं कक्षा पुर मई महैंण तक  हर शनिवार और ऐतवार हुणि चलाल । उम्मीद छ संस्थाओंकि य सोच हमरि भाषाक संरक्षण में मददगार बनलि और हमार नान हमरि भाषा कैं जरूर सिखाल । शुभकामना ।

पूरन चन्द्र काण्डपाल

28.04.2019