मीठी मीठी - 550 : म्यार आंखरोंक शीर्षक ( बिरखांत, खरी - खरी, मीठी - मीठी और ट्वीट )
सोसल मीडियाक सबै मितुरों कैं सपरिवार नौं साल 2021 क आगमन पर एक ता फिर भौत -भौत शुभकामना । आपूंल पिछाड़ि वर्षोंकि चार वर्ष 2020 में लै पुर साल (उरातार 365 दिन ) मेेरि खरी -खरी, मीठी -मीठी, बिरखांत और ट्वीट कैं टैम दे। विगत कुछ वर्षों बटि सोसल मीडिया में उरातार लेखनै अब तली 351 बिरखांत (साप्ताहिक वर्णनात्मक लेख ), 765 खरी - खरी ( साप्ताहिक कटु सत्य लेख ), 550 मीठी - मीठी ( खरी खरीक साथ बीच बीच में सूचनापरक लेख ) और 1218 ट्वीट ( रोज़ाना कम शब्दों में आपणि बात ) लेखि हालीं । हिंदी और कुमाउनी में लेखी म्यार सबै आँखरों कैं आपूंल टैम दे, आपूं सबूंक हार्दिक आभार । आस छ कि य साल लै आपूं म्यार आंखरों कैं जरूर टैम द्यला, पढ़ला और म्यर मार्गदर्शनक दगाड़ आपणि टीका - टिप्पणी लै करते रौला । धन्यवादक साथ फिर एक ता नौं साल 2021 कि शुभकामना ।
पूरन चन्द्र काण्डपाल
03.01.2021
No comments:
Post a Comment