मीठी मीठी - 432 : कुमगढ़ पत्रिका, जन - फर 2020
उत्तराखंडी भाषाओं कि मासिक पत्रिका "कुमगढ़ " जो काठगोदाम बै प्रकाशित हिंछ वीक लै आपूं सदस्य बनि सकछा । छठूं वर्ष में चली य पत्रिकाक लै मि आजीवन सदस्य छ्यूँ । पत्रिका में कुमाउनी और गढ़वाली द्विये साहित्य कैं जागि मिलीं । संपादक दामोदर जोशी 'देवांशु' ,मो.9719247882, मूल्य ₹ 25/- । पत्रिकाक जनवरी - फरवरी 2020 अंंक में म्यार लै कुछ आंखर छपि रईं और भ्यारक आवरण में कुमाउनी में पढ़ाई जानी कक्षा 1 - 5 तक किताबोंक चित्र लै छापि रईं । संपादक ज्यू कैं धन्यवाद और आभार ।
' कुमगढ़ ' पत्रिका क मुख्य उद्देश्य छ उत्तराखंड कि लोक भाषाओं क दस्तावेजीकरणक सामूहिक प्रयास । पत्रिका में कुमाउनी और गढ़वाली साहित्य कि सबै विधाओं कि चर्चा हिंछ । क्वे लै पाठक आपणी रचना संपादक कि पास भेेजि सकूं ।
पूरन चन्द्र कांडपाल
07.03.2020
No comments:
Post a Comment