मीठी मीठी - 552 : चंडीगढ़ कुमाउनी - गढ़वाली कवि सम्मेलन
19 जनवरी 2020 हुणि चंडीगढ़ में उत्तराखंड युवा मंच (पं) चंडीगढ़ (पूर्व गढ़ कला संगम (पं) द्वारा देश सेवक सभागार में पैल कुमाउनी - गढ़वाली कवि सम्मेलन आयोजित करिगो जमें काव्य पाठ करणी कवि छी - सर्वश्री हीरा सिंह राणा (कु. ग.जौ.अकादमी उपाध्यक्ष ), गढ़ रत्न नरेंद्र सिंह नेगी, पूरन चन्द्र कांडपाल, बलवंत सिंह रावत, गणेश खुगसाल गणी, सुश्री बीना बैंजवाल, देवेन्द्र जोशी, गिरीश सुंदरियाल और जगदम्बा प्रसाद चमोला । सम्मेलन क संचालन खुगसाल गणी द्वारा करिगो । सबै कवियोंल भौत भलि रचना प्रस्तुत करि बेर दर्शकों कैं आत्मविभोर करौ ।
कवि सम्मेलन है पैली फिल्म 'मोतीबाग ' दिखाइगे । य फिल्म विद्याधर उनियाल ज्यू पर आधारित छ जनूल उत्तराखंड में पलायन रोकणक प्रयास करौ । आयोजन में उनियाल ज्यू कैं सम्मानित लै करिगो । संस्थाक अध्यक्ष धर्मपाल रावत, महासचिव गणेश सिंह रावत और सहयोगी सुरेन्द्र सिंह हालसी एवम् उनरि पुरि टीमक अथक प्रयासल सम्मेलनक सफल आयोजन हौछ ।
पूरन चन्द्र कांडपाल
20.01.2020
No comments:
Post a Comment