मीठी मीठी - 361 : पायल नाम छि वीक
पायल उनियाल एक भलि गढ़वालि कवयित्री छी जो मात्र 37 साल कि उमर में 5 अक्टूबर 2018 हुणि य दुनिय कैं छोड़ी बेर न्हैगे । उ बीमार है बेर या क्वे दुर्घटना में नि मरि बल्कि वील आपणी अबघात आफी करि दी । के दुख त जरूर हुनल उकैं । फिर लै वील यस नि करण चैंछी । बेई 5 अक्टूबर 2019 हुणि उत्तराखंड लोक भाषा साहित्य मंच दिल्ली, आर्यसमाज विकास समिति दिल्ली और गढ़वाल हितैसिणी सभा दिल्ली व अन्य साहित्य मित्रों क सहयोग ल वीकि पैल पुण्य तिथि गढ़वाल भवन नई दिल्ली में मनै । दुःख कि बात य छ कि य मौक पर पायलक न क्वे मैत बै छि और न सरास बै । सब साहित्य दगै जुड़ी हुई लोग छी । पायल करीब 7 दर्जन अप्रकाशित कविता य दुनिय में आपणी निशाणि छोड़ि गे ।
य मौक पर करीब द्वि दर्जन कवियोंल कुमाउनी और गढ़वालि में पायल कैं काव्यांजलि दी । काव्यांजलि दिणियां में शामिल छी - सर्वश्री ललित केशवान, पूरन चन्द्र कांडपाल, जयपाल सिंह रावत, दिनेश ध्यानी, पयास पोखड़ा, दर्शन सिंह रावत, चंदन प्रेमी, रमेश हितैषी, ओम प्रकाश आर्य, बी पी जुयाल, जगनमोहन जिज्ञासु, योगेश भट्ट, गिरधारी रावत, सुश्री रामेश्वरी नादान, सुरजीत सिंह, विरेन्द्र जुयाल, अनूप रावत, द्वारिका चमोली, प्रदीप खुदेड, शंकर ढौंडियाल और खुद दिवंगत पायल उनियाल ( इंटरनेट बै अनूप रावत द्वारा ) । सर्वश्री पवन मैठाणी ज्यू, जलंधरी ज्यू , सत्येन्द्र रावत ज्यू, मन मोहन बुड़ाकोटी ज्यू , इनू लोगों ल लै आपण विचार धरीं । य सफल आयोजन क संचालन ध्यानी ज्यू ल करौ । अंत में सुश्री रामेश्वरी नादानल सबूं कैं धन्यवाद दे ।
पूरन चन्द्र कांडपाल
06.10.2019
,
No comments:
Post a Comment