मीठी मीठी - 340 : हमरि भाषा सम्मेलन
01 सितम्बर 2019 हुणि DPMI नई दिल्ली में उत्तराखंड लोकभाषा साहित्य मंच दिल्ली द्वारा कुमाउनी - गढ़वाली भाषा सम्मेलन आयोजित करिगो । सम्मेलन धोपरि बाद आपण निर्धारित टैम पर 3 बजि शुरु हौछ और ब्याव 6 बजि समाप्त हाैछ । सम्मेलन में द्वि प्रस्ताव पारित हईं । पैल प्रस्ताव में कुमाउनी और गढ़वाली भाषा कैं संविधान क आठूं अनुसूची में शामिल कारण क लिजी केंद्र सरकार हैं निवेदन करिगो जबकि दुसर प्रस्ताव दिल्ली सरकार हुणि भाषा अकादमी जल्दी बनूण क लिजी पारित हौछ ।
य सम्मेलन में डा. विनोद बछेती चेयरमैन DPMI, सर्वश्री लोकेश गैरौला, पूरन चन्द्र कांडपाल, रमेश घिल्डियाल, दिनेश ध्यानी ( संयोजक ), डा. सतीश कालेश्वरी, जयपाल सिंह रावत, खुशहाल सिंह बिष्ट आदि मुख्य वक्ता छी । सभागार में कयेक लेखक, कवि, साहित्यकार, पत्रकार, राजनीतिज्ञ, समाजसेवी और क़येक संस्थाओं क प्रतिनिधि मौजूद छी । य सफल सम्मेलन क संचालन दिनेश ध्यानी ज्यूल करौ और अध्यक्षता वरिष्ठ साहित्यकार ललित केशवान ज्यूल करी ।
पूरन चन्द्र कांडपाल
02.09.2019
No comments:
Post a Comment