खरी खरी -310 : क्ये खबर न्हैति?
हाम ढुंगाक, लुवाक
पितवाक, सुन-चांदी क
द्याप्तां पर
फूल बरसूं रयूं
उनुकैं दूद ल नउं रयूं,
मंदिर में घंटी बजै बेर
फल-फूल-दूद चढूं रयूं।
घरा क ज्यौन द्याप्तां हूं
बलाण नि राय
उनुकैं तरसूं रयूं,
उनु उज्याँ चाण नि राय
पुठ फरकूं रयूं,
द्वि आंखर उनुहैँ लै
जरूर बलौ
उं लै जाल धिति,
हाम बुजरगों हैं
क्यलै नि बलां राय
मैं कैं क्ये खबर न्हैति ?
पूरन चन्द्र काण्डपाल
23.09.2018
No comments:
Post a Comment