मीठी मीठी - 254 : इंदिरापुरम गाजियाबाद में कुमाउनी-गढ़वाली कवि-सम्मेलन
बेई 30 मार्च 2019 हुणि रामलीला मैदान रेल विहार इंदिरापुरम गाजियाबाद उ प्र में पर्वतीय प्रवासी जन-कल्याण समिति (पं) इंदिरापुरम द्वारा उत्तराखंड पंचिमी महोत्सव कार्यक्रम में कुमाउनी-गढ़वाली कवि-सम्मेलन आयोजित करिगो । कवि-सम्मेलन में मुख्य कवि छी सर्वश्री ललित केशवान, पूरन चन्द्र काण्डपाल, दिनेश ध्यानी, पी एस केदारखंडी, रमेश घिल्डियाल, बी पी जुयाल, जयपाल सिंह रावत, गिरीश चन्द्र बिष्ट, रमेश हितैषी, ओमप्रकाश आर्य और चंदन प्रेमी ।
य पूर्वनिर्धारित आयोजन पैली मार्च म्हैणक पैल हफ्त में तय छी । 14 फरवरी 2019 हुणि पुलवामा कांड में 40 सुरक्षाबलोंक जवानोंकि शहीदी वजैल कार्यक्रम उटैम में रद्द करि दे । आज कवि-सम्मेलन है पैली देशाक शहीदोंकि याद में द्वि मिनटकि मौन श्रद्धांजलि दिई गे । य मौक पर संस्थाक महिलाओं द्वारा भजन प्रस्तुत करिगो । गायक और संगीतज्ञ 'मधुर' ज्यू द्वारा लै भजन प्रस्तुति दिई गे । अमृत वर्षा फाउंडेसनक नना द्वारा लै देशभक्ति गीत एवं नृत्य पेश करिगो । मंच संचालन सुश्री हंसा अमोला और केदारखंडी ज्यूल करौ । आयोजकों कैं हमरि भाषाक कवि-सम्मेलन आयोजन करणक लिजी हार्दिक धन्यवाद और सफल कार्यक्रमक लिजी शुभकामनाक दगाड़ बधाई ।
पूरन चन्द्र काण्डपाल
31.03.2019
No comments:
Post a Comment