मीठी मीठी - 181 : अल्माड़ कुमाउनी भाषा सम्मेलन बै
हलद्वाणि में कुछ दगड़ियाँ दगै मिलते हुये 10 नवम्बर 2018 हुणि करीब 9 बजी रतै अल्माड़ पुजूं । दगाड़ में हितैषी ज्यू, ओपी आर्य ज्यू और गिरीश भावुक ज्यू लै छी । याँ मौसम कुछ ठंड हैरौ । 10 बजी राष्ट्रीय कुमाउनी भाषा सम्मेलन में पुजूं जो अल्माड़ में कुंदन लाल साह प्रेक्षागृह में "पहरू'' कुमाउनी मासिक पत्रिका और "कुमाउनी भाषा, साहित्य एवं संस्कृति प्रसार समिति कसारदेवी अल्मोड़ा" द्वारा आयोजित करीगो ।
भाषा सम्मेलन में 10 और 11 नवम्बर 2018 हुणि कुल छै सत्र हईं जनूँ में क्रमशः भाषाक मानकीकरण, कार्यशाला प्रशिक्षण, भाषाकि मान्यता, लोक संस्कृति, पढ़न संस्कृति, लेखन विषय, सोसल मीडिया, नानतिनों बीच हमरि भाषा, भाषा प्रसार में महिला योगदान और कवि सम्मेलन आयोजित करीगो । कवि सम्मेलन में तीन दर्जन है ज्यादै कुमाउनी कवियोंल काव्यपाठ करौ । आज सम्मेलनक आंखरी दिन छ जमें विभिन्न विधाओं में भाषाक लेखकों कैं सम्मानित करी जाल ।
पूरन चन्द्र काण्डपाल
12.11.2018
No comments:
Post a Comment