मीठी मीठी - 203 : महाकौतिक इंदिरापुरम
21 बटि 25 दिसम्बर 2018 तक उरातार 5 दिन इंदिरापुरम गाजियाबाद में महाकौतिक क आयोजन चलि रौ । बेई 22 दिसम्बर हुणि याँ कुमाउनी और गढ़वाली भाषा में भाषण प्रतियोगिता कराइ गे जमें उत्तराखंड लोकभाषा साहित्य मंचक संयोजक दिनेश ध्यानी, पूरन चन्द्र काण्डपाल और दर्शन सिंह रावत ज्यूल निर्णायक भूमिका निभै । प्रतियोगिता में पैल, दुसर और तिसर इनाम दिइगो । कौतिक में उत्तराखंडी उपजाक कएक सामान और उत्तराखंडी व्यंजन उपलब्ध छी । महाकौतिकक मुखिया श्री राजेन्द्र सिंह चौहान ज्यूल पुर उत्तराखंड समाज हैं निवेदन करौ कि सबूंल य महाकौतिक में औण चैंछ । उम्मीद छ महाकौतिक सफल रौल । आयोजकों कैं भौत भौत शुभकामना ।
पूरन चन्द्र काण्डपाल
23.12.2018
No comments:
Post a Comment