Tuesday 19 November 2019

Maran baad yaad : मरण बाद याद

खरी ख़री - 522 : मरण बाद याद

मैंसा क मरण बाद
काबिलियत याद ऐं,
वीक ज्यौंन छन
दुनिय चुप रैं ,
गौरदा गिरदा शेरदा क
बार में लै यसै हौ,
उनार जाण बाद
लोगों कैं य महसूस हौ ।

के बात नि हइ
क्वे त उनुकैं याद करें रईं,
उनरि याद में कभतै त
गिच खोलें रईं,
अणगणत हुनरदार
चुपचाप यसिके गईं,
शैद दुनिय कि रीत यसी छ
जानै जानै य बात कै गईं ।

पूरन चन्द्र काण्डपाल
20.11.2019

No comments:

Post a Comment