मीठी मीठी - 377: उत्तराखंड आर्य समाज विकास परिषद में हमरि भाषाक कवि सम्मेलन
बेई 3 नवम्बर 2019 हुणि गढ़वाल भवन नई दिल्ली क अलकनंदा सभागार में उत्तराखंड आर्य समाज विकास समिति (पं) कि को - आपरेटिव (अर्बन) थ्रिफ्ट/क्रेडिट सोसाईटी लि. दिल्ली द्वारा 10उं वार्षिक आम बैठक कि बाद कुमाउनी - गढ़वाली कवि सम्मेलन आयोजित करिगो । य कवि सम्मेलन में करीब 28 कवियों ल काव्य पाठ करौ और अध्यक्षता वरिष्ठ कवि ललित केशवान ज्यूल करी । कवि सम्मेलन में काव्य पाठ करणी कवि छी सर्वश्री ललित केशवान, पूरन चन्द्र कांडपाल, दिनेश ध्यानी, रमेश हितैषी, चंदन प्रेमी, ओम प्रकाश आर्य, मदन डुकलान, गिरीश भावुक, पयाश पोखड़ा, डॉ सतीश कालेश्वरी, द्वारका प्रसाद चमोली, नीरज बवाड़ी, जगत कुमाऊनी, जगमोहन रावत, सुरजीत सिंह, अनूप रावत, प्रकाश मिलनसार, विरेन्द्र जुयाल, संतोष जोशी, गोविंद राम, बी पी जुयाल, जगदीश तिवारी, कीर्तन कुमार, आशीष सुंदरियाल, रोशन लाल, डॉ सुशील सेमवाल, प्रकाश आर्य और संजय आर्य ।
हाम उत्तराखंड आर्य समाज विकास समिति कैं विशेष धन्यवाद दीण चानू कि उनूल आपणी वार्षिक बैठक में हमरि भाषा क कवि सम्मेलन आयोजित करौ । य तब हौछ जब उनार मन में हमरि भाषा कैं सिंचित करण कि सोच मौजूद छी । य मौक पर संस्था द्वारा कुमाउनी - गढ़वाली साहित्य बेचण क काउंटर लै उपलब्ध करिगो जां बै कएक साहित्यकारों क किताब लोगों ल ख़रीदीं । य मौक पर रमेश हितैषी ज्यू रचित कुमाउनी कहानि संग्रह "नौ वर्ष के ब्या " क लोकार्पण लै हौछ जैकि सूक्ष्म समीक्षा लै करिगे। सम्मेलन कैं डॉ सत्येन्द्र प्रयासी और वरिष्ठ पत्रकार चारु तिवारी ज्यू ल लै संबोधित करौ । य मौक पर पत्रकार सत्येन्द्र रावत, संस्थाक अध्यक्ष गुसाई राम आर्य, UFNI अध्यक्ष श्रीमती संयोगिता ध्यानी समेत कएक गणमान्य व्यक्ति और संस्थाक पदाधिकारी मौजूद छी । सफल और सुव्यवस्थित मंच संचालन रमेश हितैषी ज्यूल करौ । जल पान व्यवस्था क साथ अध्यक्ष द्वारा सबै आगंतुकों आभार व्यक्त करिगो ।
पूरन चन्द्र कांडपाल
04.11.2019
No comments:
Post a Comment